Gazetari Mentor Kika ka publikuar një dokument, ku hedh dritë mbi një të vërtetë sa i takon rastit të djalit të deputetit socialist, i cili akuzohet se ka përdhunuar një vajzë. Sipas tij, djali i deputetit socialist ka qenë me precedentë penalë, por kjo se ndalonte aspak që të hynte e dilte nga komisariati.
I ftuar në studion e “Opinion”, ai ka folur për rastin e vajzës Xhisiela Maloku, e cila sipas dëshmisë së ish-efektivit të policisë Emiljano Nuhu, është përdhunuar nga djali i deputetit socialist, Rrahman Rrahja.
Kikia ka publikuar dokumentin ku tregon njoftimin e policisë të vitit 2017, që dëshmon se Rexhep Rrahja, akuzuar për përdhunim të ish-të dashurës së tij në korrik të këtij viti, ka qenë me precedentë penalë edhe më parë.
“Djali i deputetit është një person me precedentë penalë, i kërkuar për vepra të tjera penale, është njoftimi i policisë ky që është në kërkim, që nga data 24/06/2017, ndërkohë që ky hynte dhe dilte nga komisariati dhe merrte vajzën”, është shprehur Kikia.
