Pas prishjes së Teatrit Kombëtar, janë publikuar pamjet sesi do të duket teatri i ri.
Sipas njoftimit të Bashkisë së Tiranës, projekti i ri parashikon një hapësirë për performanca publike, ambiente të posaçme për shfaqjet dhe aktorët, një hapësirë që do përdoret si sallë ndërrimi, një sallë provash, tualete dhe dushe si dhe një dhomë të gjelbër.
Projekti i Teatrit të Ri është krijuar nga një prej studiove më të mëdha ndërkombëtare të arkitekturës në botë, “Bjarke Ingels Group” me qendër në Danimarkë.
Kujtojmë se mëngjesin e sotëm aksioni për shembjen e Teatrit është shoqëruar me përplasje të ashpra mes protestuesve dhe forcave të policisë.
