Daily Mail ka publikuar së fundmi pamje të reja nga shpërthimi i tmerrshëm që ndodhi në Liban. Ky filmim besohet të jetë më i afërti i marrë gjatë shpërthimit shkatërrues në Bejrut.
Një çift ka filmuar nga ballkoni i banesës së tyre momentin tronditës. Në video, çifti Imad Khalil dhe Lena Allama fillojnë regjistrimin teksa shohin një zjarr të shpërthejë në një depo në portin e qytetit, me tym të zi që shpërthen nga çatia.
Në sfond dëgjohet zëri i gruas që i thotë bashkëshortit të futet brenda dhe të mbyllë dritaren, por vetëm pak sekonda më vonë ndodh shpërthimi i madh.
Një foto që besohet të jetë e çiftit në spital, tregon se ata pësuan lëndime në shpërthim, por arritën t’i mbijetojnë shpërthimit.
“Faleminderit nga të gjithë për të gjitha mesazhet. Unë dhe Lena po shërohemi mirë”, shkruhet në foton e postuar nga spitali.
Më shumë se 145 persona humbën jetën si pasojë e këtij shpërthimi, ndërsa mbi 5 mijë persona janë lënduar.
