Mediat iraniane kanë publikuar një video nga rrëzimi i avionit Ukrainas në Teheran.
Pamjet janë filmuar nga kamerat e sigurisë së një shtëpie që ndodhej fare pranë vendit të përplasjes. Në pamjet e publikuar shihet qartë shpërthimi i fuqishëm, teksa pjesët e avionit të përfshira nga flakët fluturojnë nëpër zonë.
https://www.youtube.com/watch?v=RZndN6qwvtw&feature=emb_title
Ndërkohë Ukraina vijon me hetimet për zbardhjen e shkaqeve të rrëzimit të avionit, prej të cilit humbën jetën 176 persona.
Aeroplani u rrëzua vetëm pak kohë pas ngritjes nga aeroporti i Tehranit. Mediat e huaja shkruajnë se janë 4 skenarë të mundshëm që mund të shpjegojnë shkaqet e rrëzimit të tij.
- Goditje me raketë,
- Terrorizëm,
- Përplasja me një dron,
- Një shpërthim i motorit.
Kujtojmë se më herët ditën e sotme, mediat amerikane duke cituar zyrtarë të inteligjencës thanë se avioni mund të jetë goditur me raketë gabimisht nga Irani.
Nga ana tjetër, autoritetet e Iranit kanë gjetur kutitë e zeza të avionit por kanë refuzuar t’ia japin Ukrainës. Ata kanë deklaruar se avioni ka pësuar një defekt teknik, të pa specifikuar dhe se ka shpërthyer në flakë përpara se të përplasej në tokë.
