Duka dhe dukesha e Sussex-it kanë shfaqur për herë të parë në publik djalin e tyre të sapolindur.
Më datën 6 maj, Dukesha e Sussex, Meghan Markle u bë nënë për herë të parë, dhe Princ Harry u shpreh publikisht se është mbi re.
Princ Harry është shfaqur me të voglin në krahë, në Kështjellën Windsor.
Teksa tregonin për ditët e tyre të para si prindër, Meghan tha: “Është magjike, është shumë e mahnitshme. Kam dy djemtë më të mirë në botë dhe jam shumë e lumtur”.
“Ka një temperament të ëmbël, të qetë”, tha Meghan, ndërsa Harry shtoi: “Nuk e dimë kujt i ka ngjarë”, duke shkaktuar të qeshura.
Nuk munguan as shakatë në fjalimin e Harry-t, i cili tha se vogëlushi i tij ka qime në fytyrë.
