PSG ka marrë një fitore të vuajtur në javën e 25-të në Liga 1 përballë Toulouse. Ka qenë pikërisht ylli brazilian Neymar ai që ka nxjerrë ekipin nga situata në një moment delikat, në një transfertë që në letër dukej e lehtë.
PSG vuajti shumë për të gjetur rrugën e rrjetës në këtë ndeshje, dhe kur iu desh më së shumti, Neymar u shfaq duke shënuar gol individual në minutën e 68-të. Me tri pikët e fituara me shumë sakrificë në këtë ndeshje, PSG tani ka grumbulluar 65 pikë në total dhe kryeson renditjen e klasifikimit në Ligë 1 të Francës, duke e lënë Marseillen 13 pikë mbrapa në vendin e dytë. Ndërkohë, Toulouse mbetet e 15-ta me 26 pikë.
