Situata e Elseid Hysajt tek Napoli nuk është ndër më të mirat. Ai nuk është preferuar në formacion nga trajneri Ancelotti në disa ndeshje. Por një çështje tjetër është edhe rinovimi i kontratës, kaq shumë i diskutuar muajt e fundit. Agjenti i tij shprehet se është shumë pranë akordit me drejtuesit e klubit, por drejtori sportiv i francezëve Antero Henrike duket se nën mëngë ka kartën me emrin e Hysajt.
“Ai është një kampion, që mund të luaj në klube si Juventusi, Reali ose PSG. Ai është i destinuar për një karrierë të madhe kampioni.
Ai vendosi që të qëndrojë në Napoli, sepse ai kishte filluar një projekt me Sarrin dhe të gjithë bashkë menduam që një titull do ta ndihmonte në këtë sezon. Do të shikojmë se çfarë do të ndodhë në qershor.” – ka thënë agjenti i lojtarit.
Dhe pas këtyre fjalëve PSG është pozicionuar në ekipet që kërkon transferimin e lojtarit shkodran. Sipas asaj që bën me dije Il Mattino transferimi i lojtarit në Paris mund të bëhet për 25 milionë euro.
