PSG nën drejtimin e gjermanit Thomas Thuchel ka arritur të marrë fitoren e parë në turneun International Champions Cup përballë Atletico Madridit. Në dy ndeshjet e para parisienët u mposhtën me goleadë nga Arsenali i Unai Emary dhe nga Bayern munich. Ndërsa përballë spanjollëve kanë arritur të fitojnë në sekondat e fundit falë golit të Postolachi.
Të besuarit e Thuchel e nisin mjaft mirë duke kaluar në avantazh 2-0 falë golave të Nkunkut dhe Diaby. Më pas reagojnë edhe të besuarit e Simeones të cilët barazojnë rezultatin me gol të Mollejo dhe autogolit të Bernede.
Por në minutën e fundit për të evituar edhe penalltitë mendoi Postolachi, i cili shënon në kohën shtesë duke i dhuruar fitoren e parë në këtë turne PSG-së. Ndeshja miqësore u zhvillua në Stadiumin Kombëtar të Singaporit.
