Dje u vu re mungesa e Pandeli Majkos në Kuvend. I pyetur në lidhje me mungesën e Majkos në sallë, Taulant Balla e justifikoi me faktin se ai kishte kërkuar leje.
Për ta bërë më të besueshëm qëndrimin e tij, Balla i ofroi gazetares telefonin celular të tij, për të parë që Majko kishte kërkuar leje.
“Merreni celularin tim, z. Majko ka kërkuar leje para disa ditësh, në cilësinë e kreut të grupit parlamentar, për të qenë sot si përfaqësues i qeverisë dhe Partisë Socialiste në një ceremoni të rëndësishme në Kosovë, në nderim të dy heronjve”, u shpreh Balla në studion e “Abc News”.
https://tiranatoday.com/vuloset-me-vote-ne-kuvend-teatri-do-te-prishet-zbulohet-ministri-rebel-qe-nuk-votoi/
Pa praninë e opozitës në seancë, Kuvendi miratoi me 75 vota pro dekretin e Presidentit Meta, për godinën e Teatrit. Pavarësisht kundërshtive të opozitës, e cila u mblodh në Vlorë, mazhoranca e kaloi dekretin e Metës bashkë me amendamentet e ndryshuara.
Votimi i një dite më parë, nxorri në pah sërish qëndrimin e pandryshuar të ministrit Majko, i cili zgjodhi të mos jetë i pranishëm në momentin e votimit të dekretit të amenduar të Presidentit, për ligjin për Teatrin.
