Këngëtarja e njohur Linda Halimi para pak muajsh është bërë nënë për herë të parë dhe nga postimet e saj në Instagram kemi kuptuar që ajo është më e lumtur se kurrë.
Gjithnjë publikon foto ku shfaqet pranë vogëlushes Kaimana dhe partnerit të saj, reperit Dawon Edwards, i njohur gjerësisht si Big D.
Lidhur me këtë të fundit, një ndjekës racist i ka bërë këngëtares një pyetje aspak të hijshme: “Pse s’e ke zgjedh atë senin e bardhë, por të zi?”
Mjaft e revoltuar, Linda nuk ka ngurruar që të bëjë publike pyetjen raciste në fjalë ndërkohë me përgjigjen e saj ia ka mbyllur gojën ndjekësit njëherë e mirë.
Lidhur me marrëdhënien me reperin afroamerikan, Linda ka shkruar ndër të tjera: “Nuk kam zgjedhur të zi, të bardhë, kam zgjedhur njeriun që dua i cili ndodh që është etnicitet ndryshe nga unë e që më do dhe kujdeset për mirëqenien time më shumë se për veten”.
