Shumë pikëpyetje janë ngritur këto ditë, edhe në lidhje me identitetet e shumtë që mbante Admir Murataj, dhe pse kishte bërë këtë zgjedhje. Por këtë kureshje e shoi i vëllai i tij, Cen Murataj, duke këmbëngulur se e gjithë kjo procedurë është bërë për të marrë asistencë në Evropë.
Cilat janë identitetet e Admir Murataj, se flitet që ka pasur shumë emra?
“Mbi 20 identitete i kam kaluar unë, ka qenë për të marrë asistencë në Europë. Ka qenë për motive përfitimi”, u shpreh ai.
Murataj mbeti i vrarë pasditen e 9 Prillit, pas grabitjes së vlerave monetare brenda aeroportit të Rinasit, ndërsa ishte në kërkim si organizatori i tre grabitjeve me blinda në harkun kohor të 2015-2017.
Grupi i tij u dënua gjatë Marsit me më shumë se 1 shekull burg, ndër ta edhe vëllai i Admir Muratajt, Aleksandër Murataj.
