Kryeministri Rama ka komunikuar në Facebook se vetëm pas pak minutash, konkretisht në 08:30 do të flasë për çështjen Tahiri.
Rama fton ndjekësit e tij që në këtë orë të ndjekin Komunikimin e Javës para Grupit Parlamentar, për qëndrimin e PS-së ndaj kërkesës së Prokurorive të Krimeve të Rënda për heqjen e imunitetit dhe arrestimin e Tahirit.
Në pritje të votimit në parlament të mërkurën për heqjen e imunitetit të Tahirit, Rama pritet të paraqesë publikisht votën e PS-së për këtë çështje.
“MIRËMËNGJES dhe me ftesën të ndiqni Komunikimin e Javës në 8:30 para Grupit Parlamentar për qëndrimin e Partisë Socialiste ndaj kërkesës së Prokurorisë së Krimeve të Renda lidhur me deputetin Saimir Tahiri, ju uroj një fillimjave plot energji”, shkruan Rama.
