Ish-ministri i Brendshëm Saimir Tahiri ka dorëzuat sot në Prokurorinë e Krimeve të Rënda një provë, të cilën e quajti decizive për hetimet ndaj tij.
Ai u kërkoi gazetarëve të presin edhe 2 ditë më shumë, për t’u njohur me këtë provë.
Sot, gazetari Artan Hoxha ka shuar kureshtjen, teksa ka treguar për çfarë prove bëhej fjalë.
I ftuar në studion e “Top Talk, Artan Hoxha zbuloi se Tahiri ka dorëzuar sot në Prokurori, vendimin e Gjykatës së Katanias, e cila e shpall të pafajshëm ish-ministrin në çështjen “Habilaj”.
“Më 27 tetor të vitit të kaluar Gjykata e Katanias ka nisur hetim më vete ndaj Tahirit. Ndërsa më 10 tetor të këtij viti ai është shpallur i pafajshëm nga kjo Gjykatë”, u shpreh Artan Hoxha, duke zbuluar se është pikërisht ky vendim që studioja ligjore e Saimir Tahirit në Italia ka siguruar për ish-ministrin.
Ky vendim i Gjykatës së Katanias, për Artan Hoxhën nuk mbyll hetimet në Tiranë, por është një provë e fortë në favor të tij.
“Tahiri ka dorëzuar këtë vendim sot në Prokurorinë e Krimeve të Rënda, nuk mbyll hetimet, por është një provë e fortë për të”, u shpreh Artan Hoxha.
