Në protestën e opozitës së bashkuar e kanë marrë fjalën edhe kandidatë që kanë refuzuar të marrin mandatin e deputetit në listat e PD, me argumentin që Parlamenti është i kriminalizuar.
“Vij nga Mati, qyteti im është boshatisur, me qindra shtëpi janë në shitje, ndaj z. Rama unë nuk e pranoj sot këtë mandat dhe nuk bëhem pjesë e atij Parlamenti”, u shpreh një prej kandidateve qe refuzoi mandatin.
Gjithashtu, një tjetër kandidate në fjalën e mbajtur ka dhënë një porosi për ministrin e Brendshëm, ku i thotë se burrat malësorë nuk e kanë pasur zakon t’u shërbejnë horrave të monizmit.
“Sot është dita jonë. Asnjë hap pas! Kam një porosi për z. Lleshaj: ne veriorët, burrat e Mirditës dhe burrat malësorë, nuk e kanë pasur zakon t’u shërbejnë horrave të monizmit!”, tha një tjetër kandidate.
Rama është larguar nga salla e Kuvendit menjëherë pas përfundimit të fjalës së tij, ndërsa tha se do të udhëtonte drejt Italisë.
