Pas përplasjes me punonjësit e policisë, një prej protestuesve, banore e Astirit, ka humbur ndjenjat përpara Kuvendit. Situata ka agravuar, por ndër të lënduarit janë edhe disa efektivë.
Protestuesja ishte mbuluar me flamurin e SHBA-ve, për të treguar se protesta e tyre është larg ngjyrimeve politike.
Protestuesit këmbëngulin se shashkat nuk janë hedhur nga ana e tyre, po nga persona që kërkojnë që të provokojnë situatën.
Reagimi i policisë
Gjatë protestës që përshkallëzoi në akte dhune ndaj forcave të rendit, përballë godinës së sallave plenare të Kuvendit të Shqipërisë, janë plagosur 6 efektivë të Policisë së Shtetit. `
Efektivët janë lënduar me mjete të forta dhe piroteknike, hedhur nga tubuesit mbi punonjësit e policisë, të cilat dhe janë dërguar në spital për ndihmë të specializuar mjekësore. Një punojëse policie ka dëmtime më të rënda në krah.
Policia e Shtetit u bën thirrje protestuesve dhe përfaqësueve politikë, për distancim nga dhuna dhe nga goditjet ndaj punonjësve të rendit.
