Ish-drejtuesi i Policisë së Shtetit, Mit’hat Havari i ftuar në ‘Fax news’ ka komentuar protestën që u zhvillua ditën e sotme nga opozita.
Gjithashtu, ai ka folur dhe për akuzat nga PD për gazin lotsjellës, të cilët shprehen se ka veti helmuese.
Sipas Havarit, protestuesit përdoren nga opozita, e për rrjedhojë duhet të ndërgjegjësohen, të distancohen nga klasat politike.
“Policia u përball me një grup njerëzish qorra që nuk e dinin ku po shkonin. Protestuesit po përdoren nga opozita. Protestuesit vijnë barkbosh dhe ikën barkbosh, kurse organizatorët ikin në restorant dhe ushqehen dhe pinë verë të bardhë dhe hanë peshk se mishi i kuq u bën keq. Populli duhet ti thërrasë ndërgjegjes deri kur do të vazhdojë të shpresojë prej tyre, duhet të ngrihet vetë sic bënë gjithë bota, të distancuar nga kjo klasë politike.”
Ndërkohë, ai ka folur dhe rreth sjelljes së policisë, duke thënë që ata janë provokuar nga protestuesit, dhe nuk ka ndodhur e kundërta.
Përsa i përket akuzave të PD që mund të kenë përdorur gaz lotsjellës helmues, Havari nënvizon se nëse diçka e tillë ka ndodhur ata mbajnë përgjegjësi ligjore.
