Dhjetëra mijëra persona janë nisur drejt Kryeministrisë, për të protestuar kundër qeverisë Rama, ku kërkohet largimi i kryeministrit dhe zhvillimi i zgjedhjeve të parakohshme.
Me thirrjet “Rama ik”, protestuesit po marshojnë drejt godinës së Kryeministrisë, ndërsa këtë herë mesazhi i tyre ndaj Ramës lidhet me zgjedhjet e 30 qershorit.
“S’ka zgjedhje pa opozitën”, shkruhet në pankartat e shumta që mbajnë protestuesit në duar.
Kujtojmë që Rama e ka ftuar disa herë Bashën për të dialoguar në disa letra publike, ndërsa ka theksuar se “qeveria dhe zgjedhjet e 30 qershorit janë të panegociueshme”.
