Është tensionuar protesta e banorëve të Astirit, ndërsa janë mbledhur para Bashkisë së Tiranës. Banorët kanë bllokuar qarkullimin e mjeteve, dhe kanë hedhur vezë në drejtim të Bashkisë. Në mbështetje të protestuesve kanë qenë edhe deputetët demokratë, të cilët kanë kërkuar që banorët të dëmshpërblen me vlerën e tregut.
Banorët e zonës së “Astirit” po protestojnë para Bashkisë së Tiranës, kundër prishjes së shtëpive të tyre, në kuadër të projektit për ndërtimin e “Unazës së Madhe” në kryeqytet.
Ata kanë kërcënuar se do ta mbrojnë me gjak pronat e tyre. “Na stresuat, edhe greku të respektonte. Punoja dhe greku të respektonte. Këto qenër nuk të hapin asnjë derë”, u shpreh një banor.
“Kemi dalë me fëmijë. Na i kanë traumatizuar fëmijët, duke u thënë se do ti nxjerrin jashtë për 15 ditë. Kemi të drejta themelorë. Familja, shtëpia. Ai thotë dilni në rrugë. Dhe tallet duke na thënë që do të na japë qira për një 1 vit. 1 vit me qira, këto shkërd**ta mbajnë dashnoret. Në 2004 ishte kryetar Bashkie ky dy metroshi.
Aty vetëm dy korsi do të ndërtohen. I pari që do të më prishi shtëpinë mua, do të jetë në gjak me mua. I kam me legalizim, me të gjitha”, deklaroi një banor tjetër.
https://tiranatoday.com/protestaturp-per-gramoz-rucin-komunist-i-qelbur-erion-veliaj-mos-u-fshih-si-grate/
