Pas protestave masive të realizuara gjatë katër javëve të fundit në Paris, presidenti i Francës, Emmanuel Macron mbajti një fjalim para popullit francez mbrëmjen e sotme.
Në fjalimin 13 minutësh, Macron bëri me dijet katër vendimet e tij më të rëndësishme:
a) Rritjen e pagës minimale me 100 euro (e pa taksuar)
b) Cdo orë pune shtesë e pataksuar
c) Heqja e taksës për pensionistët
d) Inkurajimi i bizneseve për të dhënë shpërblime për fundvitin (pa taksuar)
Kreu i Elizes[ tha se nuk mund të rriste taksën ndaj të pasurve sepse do të nxiste evazion fiskal dhe largimin e bizneseve nga Franca.
Protestat në Francë të të ashtuquajturve “Jelekët e verdhë” shpërthyen kundër rritjes së taksave të karburantit, me synim uljen e ndotjes në vend si dhe inkurajimin e përdorimit të makinave elektrike.
Të hënën në mëngjes, ndërsa Macron u takua me sindikatat dhe krerët e biznesit, në protestë u hodhën edhe studentët dhe nxënësit.
Mësimi është ndërprerë në 120 shkolla në të gjithë vendin – përfshirë 40 shkolla të bllokuara plotësisht nga studentët – tha një zëdhënëse për Ministrinë e Arsimit.
Javën e kaluar qeveria franceze u tërhoq nga rritja e tatimit për karburantin, por jelekëverdhët nuk i ndalën protestat e dhunshme. Dëmi ekonomik, sipas ministrit të Brendshëm Bruno Le Mer, është katastrofik dhe do të ketë ndikim negativ afatgjatë në buxhet dhe turizëm.
