Protestuesit shkodranë po dhunojnë godinën e Prefekturës në qytetin e tyre. Ata kanë hedhur sende të forta drejt godinës së Prefekturës, ku mësohet se është thyer edhe një xham i saj.
Shkodranët po protestojnë kundër qeverisë dhe situatën në të cilët ndodhet vendi.
Me parullat “Edi Rama o legen prite, Shkodrën se po vjen”, “Qeveri hajdute”, “Poshtë Edi Rama”, “Poshtë Edi Rama”,”Ulni çmimin e naftës”, qytetarët kërkojnë uljen e çmimit të karburantit, rritjen e cilësisë së jetesës.
Një protestues ka shpërthyer ndaj qeverisë, ku shprehet se kjo është qeveri e krimit, pasi në pushtet vjen ai që është përdhunues, mashtrues, hajdut, por sepse ka para, ndërsa ai që nuk ka, i vihen prangat dhe e dhunojnë pse proteston.
“Një pijanec, një drogaxhi, një përdhunues, një mashtrues, një hajdut vjen në pushtet në gradat më të larta në qoftë se ka valixhen me para. Ndërsa atij që po vdes urie, i vë prangat dhe i thyejnë hundët e turinjtë.”, – thotë ndër të tjera qytetari.
