Qytetarë dhe ambientalistë po protestojnë për mbetjet në Kamëz, duke theksuar se janë një problematikë e madhe për banorët.
Të mbledhur para Bashkisë së Kamzës, protestuesit kërkojnë që të ndërhyhet menjëherë duke i larguar mbetjet, të cilat përbëjnë rrezik për shëndetin e banorëve.
Mes tyre është i pranishëm edhe ambientalisti Sazan Guri, i cili i bëri thirrje kryebashkiakut të Kamzës, por edhe atij të Tiranës, që të marrin masa për gjendjen ku ndodhet Kamza:
“Ne do t’i bëjmë thirrje kryebashkiakut të Kamzës, pastaj atij të Tiranës. Nuk mundet që një qytet apo një kryeqytet i Tirana të kenë dy vende për mbetje edhe në Sharrë, edhe në Kamëz. Më pas do t’i drejtohemi kryetarit të Kuvendit dhe Presidentit, apo edhe Prokurorit”.
Protestuesit kërkuan nga Mziu që të shpallte gjendje emergjence, duke i kërkuar që mbeturinat t’i dërgonin në Sharrë që zona të rehabilitohet.
