Shkatërrimi i selisë së PS në Shkodër dhe djegia e objekteve nga disa të mitur, kanë sjellë reagimin e kryeministrit Edi Rama.
Sipas tij, vetëm terroristët e Boko Haramit dhe opozita në Shqipëri përdorin fëmijët si kamikazë.
Duke bërë përgjegjës opozitën për nxitjen e dhunës dhe përdorimin e të miturve, Rama shprehet se kjo është streha e fundit e maskarallëkut të politikës opozitare.
”Terroristët e Boko Haramit i përdorin fëmijët si kamikazë, nuk janë të parët në radhën e abuzuesve të minorenëve! Historia njeh disa raste kriminale me fëmijët, por që të shfaqej në Shqipëri si streha e fundit e maskarallëkut të politikës opozitare kjo është tejet e dhimbshme!
Uroj shumë dhe besoj fort se nuk ka prind demokrat e opozitar që ta pranojë këtë abuzim ekstrem me kalamajtë të udhëheqësve pa atdhe, pa din e as iman, pa shpirt e as tru, të kësaj opozite të mjerë në boshllëkun e saj moral dhe karakterin e saj kriminal! Mos i harroni këto kurrë”, shkruan Rama në rrjetin social, Twitter.
Terroristët e Boko Haramit i përdorin fëmijët si kamikazë, nuk janë të parët në radhën e abuzuesve të minorenëve! Historia njeh disa raste kriminale me fëmijët, por që të shfaqej në Shqipëri si streha e fundit e maskarallëkut të politikës opozitare kjo është tejet e dhimbshme! pic.twitter.com/74ujd5FCHm
— Edi Rama (@ediramaal) December 12, 2020
