Pas sinjalizimit për një protestë nga ana e opozitës sot në orën 17:00, Policia e Shtetit është treguar vigjilente, ndërsa ka dërguar para Kuvendit autoblinda dhe mjete të tjera të rënda.
Protesta e sotme e opozitës nuk ishte planifikuar, por u thirr pas vendimit të Gramoz Ruçit, për të zhvendosur nga e enjtja në të martë seancën parlamentare.
Ndonëse protesta e fundit nuk shënoi asnjë rast dhune, ambasadori i BE-së në Tiranë, Luigi Soreca, paralajmëroi se dhuna mund të dëmtojnë reputacionin e Shqipërisë para vendimit për hapjen e negociatave në muajin Qershor.
Ambasadori i BE-së kujtoi se të mërkurën në Tiranë vjen një delegacion i Parlamentit Evropian, i cili do të takohet me Ramën dhe me Bashën, ndërsa mëngjesin e së enjtes do të mbajnë edhe një konferencë për shtyp.
