Dita e shtunë është paralajmëruar se do të jetë dita e rezistencës popullore kundër krimit dhe korrupsionit të kryeministrit Rama. Kreu i PD, Lulzim Basha ka thënë se nuk ka bashkëpunuar asnjëherë me Ramën, ndërsa shton se të gjitha ata që mendojnë kështu, kanë problemin e naivitetit dhe dashakeqësisë.
Sipas Bashës, Rama është një kryeministër i zgjedhur dhe emëruar nga krimi, por qëllimi kryesor është largimi i tij.
“Nuk kam bashkëpunuar asnjëherë me Edi Ramën. Këtu ose ka naivitet ose dashakeqësi. Nuk bashkëpunoj me një kryeministër të emëruar nga krimi. nuk bashkëpunoj me kreun e aleancës së drogës me pushtetin. synimi im është largimi një orë e më parë I Edi Ramës”- shprehet Rama.
Shefi i PD-së, deklaroi se shqiptarët e kuptojnë se me Ramën nuk ka dhe nuk do të ketë trajtim të barabartë për punësimin, pasi qeveria e tij është e lidhur me nyjën e krimit të organizuar.
“Unë besoj nga thellësia e zemrës se shumica e shqiptarëve e kanë kuptuar se pa largimin e Edi Ramës nuk do të ketë as drejtësi të barabartë për të gjithë, nuk do të ketë as punësim, gjithçka lidhet tek Edi Rama jo vetëm se është I paaftë apo se nuk do, por ai është nyja që ka lidhur politikën me krimin, PS me kriminelët”-tha ai.
