Spitali i Traumës ka reaguar në lidhje me bilancin e të lënduarve në protestën e djeshme. Në një deklaratë për mediat, shprehet se 19 qytetarë kanë kërkuar ndihmë mjekësore.
Sipas këtij institucioni, nga 19 pacientë në total, 14 të lënduar ishin punonjës policie, katër protestues dhe një operator.
Po ashtu, spitali thekson se gjendja shëndetësore e tyre është e qëndrueshme dhe nuk kanë asnjë rrezik për jetën.
Ndërkohë, në deklaratë flitet dhe për gjendjen shëndetësore të sekretarit organizativ të PD, i cili pasi u shoqërua në komisariat u dërgua më pas tek Trauma.
Sipas spitalit, Dollapi është ende duke marrë trajtim, ndërsa është paraqitur me dhimbje të gjymtyrëve.
