Një pjesë e banorëve të Shkozës, ata të cilëve u prekeshin shtëpitë nga projekti i rehabilitimit të lumit të Lanës zhvilluan një protestë. Në media u pasqyrua protesta por edhe mënyra se si u arrestuan disa nga banorët. Një video që u shpërnda në media tregohet mënyra e dhunshme se si shoqërohet një nënë dhe dali i saj që qan dhe i lutet policisë që të lëshoj nënën e tij.
Për këtë video reaguan, ish-kryeministri Berisha dhe ish-deputetja e PD-së Jozefina Topalli. Të dy njëkohësisht dënuan dhunën dhe mënyrën se si u arrestuan protestuesit. Berisha në Facebook shkruan se po ushtrohet terror policor ndaj grave dhe fëmijëve në Shkozë. Topalli thotë se arroganca e dhuna e shtetit policor nuk do t’ia dije as për fëmijët, as për dhimbjen e traumatizimin e tyre.
Berisha: E dhimbshme, terror policor ndaj grave dhe fëmijëve në Shkoze! Sb
Topalli: Të dashur miq, shikoni fëtyrën e fëmijës… Të këput shpirtin, lutet, qan, kërkon ndihme… ka frike.
Por askush nuk pyet për të, arroganca e dhuna e shtetit policor nuk do t’ia dije as për fëmijët, as për dhimbjen e traumatizimin e tyre. Ky vend drejtohet vetëm me dhunë e përshpirtësi.
“Edhe kur ke te drejte, dhuna është e padrejte” ( Thomas Carlyle)
