Një efekti policie ka mbetur i plagosur nga mjetet piroteknike të hedhura nga protesuesit përpara Drejtorisë së Përgjithshme të Policisë së Shtetit.
Duke iu referuar njoftimit të Policisë, efektivi është dërguar në spital për trajtimin e nevojshëm pas goditjes, ndërsa bën thirrje që të ndalojnë goditjet provokuese.
Njoftim i plotë i Policisë së Shtetit:
Gjatë protestës së Partisë Demokratike përpara Drejtorisë së Përgjithshme të Policisë së Shtetit u hodh një numër i madh kapsollash të ndaluara.
Si rezultat i këtyre goditjeve është lënduar një punonjës policie, i cili është dërguar në spital për trajtimin e nevojshëm.
Policia e Shtetit u bën thirrje drejtuesve të protestës dhe protestuesve që të ndalojnë goditjet provokuese ndaj policisë.
