Qytetarë të shumtë janë nisur nga rrethet për t’iu bashkuar protestës së opozitës, e cila do të nisë në orën 12:00.
Drejtuesit e Partisë Demokratike në rrethe kanë dhënë informacionet e para lidhur me nisjen e protestuesve. Kështu, në orën 08 e 20, rreth 2.000 protestues janë nisur nga Kukësi me mjete private dhe me autobusë.
Rreth orës 08:00, janë nisur nga Lezha rreth 2.500 persona me mbi 10 autobusë. Sipas kreut të PD-së në Lezhë, Paulin Marku, janë mbi 2.500 persona që po nisen me autobusë dhe mjete private.
Për sa i përket Shkodrës, drejtues të Partisë Demokratike nga ky qytet, bëjnë me dije se janë nisur drejt Tiranës mbi 3 mijë qytetarë me 9 autobusë, 15 furgonë dhe me mjete të tjera private.
