Sekretari i Përgjithshëm i Partisë Demokratike, Gazment Bardhi ka folur për protestën e zhvilluar më 11 maj nga opozita e bashkuar.
I ftuar këtë pasdite në emisionin ‘Kjo javë’, Bardhi ka hedhur poshtë përdorimin e bombave molotov, teksa pretendon se ishin fishekzjarrë.
Po ashtu, deklaron se nëse janë hedhur bomba molotov në drejtim të institucioneve është i gatshëm që të kërkojë falje
“Nuk ishin bomba molotov, ishin fishekzjarr. Nuk kam informacion, ai informacion që kam unë është që Edi Rama është ai që i kanë vënë flakën shqiptarëve. Për sa kohë nuk ka policë të dhunuar, po ka vetëm qytetarë kjo ka zëmëruar të gjithë. Nëse ndaj Drejtorisë së Tiranës dhe bizneseve janë përdorur bomba molotov unë jam i gatshëm t’i kërkoj falje, por nuk ka pas”, u shpreh Bardhi.
