Opozita do të ketë një aksion politik të ngjeshur deri të enjten e Kuvendit. Vendimi është marrë sot në selinë blu, gjatë takimit që kreu i PD-së Lulzim Basha pati me aletatët e tij parlamentarë.
Nën drejtimin e Lulzim Bashës, opozita zhvilloi sot një takim në selinë blu, ku të pranishëm ishin Kryemadhi, Mediu, Ndoka dhe Dashamir Shehi.
Të mërkurën, opozita do të protestojë para Ministrisë së Brendshme, duke kërkuar dorëheqjen e Fatmir Xhafaj.
Sakaq deputetët që janë pjesë e Komisioneve do të paraqiten në mbledhje, por duke proceduar me të njëjtën strategji që pamë sot në Komisionin e Ekonomisë.
Opozita në Komisione do të kërkojë dorëheqjen e Ministrit Fatmir Xhafaj.
Ndërkohë të enjten opozita nuk do të lejojë seancë normale, ku kanë paralajmëruar bllokimin e punimeve të Kuvendit.
