Ambasada Italiane u ka bërë thirrje qytetarëve që të shmangin grumbullimet dhe turmat e njerëzve gjatë protestës së sotme. Ambasada thekson se mund të ketë pasoja në trafik dhe në rrugët kryesore të hyrjes në qytet.
“E shtunë, më 25 maj 2019, duke filluar nga ora 19.00, do të ketë një protestë politike që do të përfshijë qendrën e Tiranës, në veçanti Bulevardin Dëshmorët e Kombit, pranë zyrës së Kryeministrit. Rekomandohet të shmangni grumbullimet dhe të ndiqni përditësimet përmes shtypit dhe të bëni kujdes maksimal. Protesta mund të ketë pasoja në trafik dhe në rrugët kryesore të hyrjes në qytet”, shkruan Ambasada Italiane.
Po ashtu, një ditë më parë, reagoi edhe Ambasada Amerikane në Tiranë, ku u bëri apel shtetasve të saj në Shqipëri që të jenë të kujdesshëm gjatë ditës së shtunë.
