Ndërsa në të gjithë botën po vlon diskutimi lidhur me eliminimin e racizmit, në Gjermani propozohen veprime konkrete.
Lideri i Partisë së Gjelbër, Robert Habeck, dhe zëvendës kryetarja e parlamentit, Aminata Toure, sugjerojnë heqjen e fjalës “racë” nga artikulli 3 i Kushtetutës gjermane. Ky nen garanton barazinë e të gjithë qytetarëve përpara ligjit.
Habeck dhe Toure theksojnë se është e papranueshme ndarja e njerëzve në kategori, shkruan “A2”.
“Nuk ka raca, por vetëm persona”, shkruajnë ata në një opinion të përbashkët të publikuar në mediat gjermane.
Diskutimi është përhapur në maxhorancën qeverisëse, por koalicioni i madh kërkon që të tregohet kujdes me këtë temë dhe nënvizon se lufta kundër racizmit është një ndër prioritetet e qeverisë Merkel.