Ish-ministri i Jashtëm, Besnik Mustafaj, pjesë e Komisionit për Vlerësimin e Kandidaturave në PD, në një prononcim për mediat deklaroi se ka një prurje të jashtëzakonshme.
“Unë konstatova se ka një prurje jashtëzakonisht të pasur, ç’ka tregon se propozimet e demokratëve kanë qenë serioze.
Ne jemi të angazhuar për të zgjedhur vlerat më të mira të këtij kontigjenti, që përbëjnë burime njerëzore jo vetëm për PD, por edhe për Shqipërinë”, tha Mustafaj.
Ai shtoi më tej se kjo ishte detyra më e vështirë që kishte marrë përsipër. “Shpresoj që të dal në fund të këtij procesi i paturpëruar. Është detyra më e vështirë, më delikate dhe më komplekse që kam marrë përsipër”, theksoi ai.
