Gjergj Luca, biznesmeni dhe pronari i kompanisë më të madhe në vend për përpunimin dhe eksport-importin e peshkut “Rozafës”, ka marrë fjalën te Java e Kulturës Japoneze. Sipërmarrësi Gjergj Luca ka folur me një pasion të admirueshëm, duke vënë në dukje se duhet së pari një pastrim i madh i shpirtit të njerëzve. Kjo pasi sipas tij, propoganda e kohes së komunizmit ka lënë gjurmë të thellë. Ai ka shprehur falenderime ndaj ambasadorit të Japonisë, ndërsa ka apeluar që rinia të rrijë në Shqipëri.
Gjergj Luca, biznesmeni që ka punësuar qindra gra, një pjesë të fjalës së tij ia ka kushtoi edhe portaleve mashtruese të cilët regjistrohen në Angli, që lejon të shkatërrojnë jetën e atyre që punojnë.
“Dhe po nuk pranuam njëri-tjetrin të vërtetën si ka qenë ky vend, ky vend do vijojë me intriga me maskaralliqe. Makineria më e madhe e kësaj pune është propaganda që ne na vjen prej komunizmit, vazhdon me të njëjtën formë, me të njëjtën degëzime.
Dhe ajo propagandë që ka qenë vazhdon edhe sot, për të shkatërruar të gjithë rininë. Për mos me lënë njeriun që të motivohet me punën. Për të mos me thënë kurrë të vërtetën, sepse duhet të çojnë ujtin tek padroni vetë dhe duhet të marri lekët”.
