Rusia vijon me propagandën e saj për të dëmtuar interesat e kundërshtarëve. Tani nuk kemi më një lutë të ftohtë, por betejat e vërteta po zhvillohen në internet më lajmet që secila qeveri prodhon. Sigurisht lufta kibernetike ka pasojat e saj sepse sulmet e rusëve ndaj bazave ushtarake të shumë shteteve kanë qenë të pandërprera. Dizinformacioni dhe publikimi i lajmeve të rreme në këtë rast luajnë një rol vendimtar në krijimin e steriotipeve në shoqëri të ndryshme por dhe në shtete të ndryshme. Eksperti Kostandin Xoxa ka bërë një rezyme të kësaj propagande edhe në Ballkan.
Shumë vende të NATO-s po përballen çdo ditë doktrinën “Gerasimov” të Rusisë e cila e zhvendosjes betejën në internet, ky tani është një realitet i hidhur. Shkurtin e kaluar, Andrey Krutskikh, një zyrtar i lartë kibernetik rus tha në një konference sigurie në Moskë se Rusia po punonte për një strategji të re për “arenën e informacionit” që do të ishte ekuivalente me testimin e një bombe bërthamore dhe do të “lejonte të flisnim me amerikanët si të barabartë”.
Komentet e Krutskikh janë të rëndësishme për faktin se ato mund të ndihmojnë në shpjegimin e doktrinës radikale politike që nënvizon se sulmet e Rusisë dhe përpjekjet për manipulimin e fushatës presidenciale të vitit 2016 në Amerikë, në Francë apo Itali, janë fushëbetejat e reja në Evropë. Veçanërisht në Itali së fundmi, ku u përdorën dy të rinj lezhjanë, që kishin në pronësi dhjetëra portale që përhapnin lajme të rreme në gjuhën italiane.
Por edhe në Shqipëri, një vend anëtar i NATO-s, Rusia mendohet se po përpiqet të hapë një front të ri, përmes propagandës online dhe televizive, që kamuflohen si lajme sensacionale.
Me datë 3 janar, gazetadita.al botoi një shkrim interesant që zbulonte mediat shqiptare që luanin rolin e antenës ruse në Tiranë. Sipas gazetës Dita, “Ministria e Punëve të Jashtme e Federatës Ruse njofton se më 17 dhjetor 2017 disa media shqiptare kanë botuar një artikull të ofruar nga Ambasada e Rusisë në Shqipëri, kushtuar fjalimit të Ministrit të Punëve të Jashtme të Rusisë S. V. Lavrov në Këshillin e Federatës në suazë të “orës së qeverisë”.”
Ndërkohë, nuk janë vetëm portalet periferike që ushqejnë një politikë anti-NATO dhe Anti-Amerikane në Shqipëri, ku luhen kryesisht me CIA-n apo poshtërimin e Trump në media, por edhe televizione kombëtare që marrin lajme nga Sputnik, agjencia e krijuar nga FSB-ja, si armë kibernetike për Evropën, shkruan faktor.al.
Një ditë më parë, një tv kombëtar solli lajmin e Sputnik për përdhunimin e një vajze shqiptare në Hamburg, por nuk jepte as emrin e xhelatit dhe as të viktimës, vetëm propagandë. Lajme të tjera kundër muxhahedinëve Iranianë të strehur në Shqipëri janë temë e politikës antishqiptare të Spunik dhe filialeve të saj në rajon.
