Një shqiptar ka rënë në pranga pas një sherri me ish-shefit e punës së gruas së tij. Mediat italiane shkruajnë se shqiptari Edmond C., emër i njohur për drejtësinë është në telashe, pasi ka qëlluar me një shuplakë ish-shefin e gruas, shkruna media italiane.
Gruaj e tij deri në vitin 2015, kishte punuar te restoranti i italianit. Vetë gruaja e thërritur në cilësinë e dëshmitarit ka dhënë detaje për gjithë historinë, që nga nisja e konfliktit e deri te fundi me sherr.
Ajo ka treguar se punoi aty deri sa filluan problemet financiare, por pronari i kishte premtuar se do t’i kalonte 70% të shumës që i detyrohej brenda pak kohësh, rreth 14 mije euro.
“Burri më tha se ato para unë nuk kisha për t’i parë kurrë me sy, por unë nuk e besoja, sepse me shefin kisha pasur gjithnjë një raport të mirë pune”- thotë ajo.
Sipas saj për një vit ish-pronari i shtynte pagesën duke i dhënë gjithmonë nga një version të ndryshëm. “Në maj të vitit 2016 unë me burrin tim shkuam në hotelin ku ish-pronari punonte. Kur ai na pa nuk na priti mirë dhe nisi të na fyente. Në sherr e sipër im shoq i jep një shpullë, nuk e fsheh që ishte e gabuar, por ishte vetëm një shpullë”- tha ajo. Ndërkohë për shqiptarin është kërkuar dënimi me 1 vit e 8 muaj dhe një gjobë 600 euro.
