E enjte, 16 Shtator, 2021
21.5 C
Tirana

Pronari i Liverpulit u kërkon falje tifozëve, lojtarëve e Klopit

Pronari i Liverpulit, John W Henry, u ka kërkuar falje përkrahësve të klubit dhe ka marrë përgjegjësi të plotë për përfshirjen e klubit në Superligën e dështuar Evropiane.

Liverpuli njoftoi të martën vonë se është tërhequr nga liga shkëputur kontroverse, pasi fillimisht kishte qenë njëri prej 12 klubeve themeluese

Largimi i tij dhe i pesë klubeve të tjera të përfshira të Premier Ligës, erdhi si pasojë e zemërimit të madh të tifozëve, analistëve të futbollit dhe vetë futbollistëve.

Në njoftimin për tërheqjen nga Superliga, të kuqtë ishin shumë të shkurtër dhe nuk ofruan ndonjë kërkim falje.

Por Henry, pronari i klubit, e bëri këtë përmes një videoje të publikuar në llogarinë zyrtarë të klubit të mërkurën në mëngjes.

“Dëshiroj t’iu kërkoj falje të gjithë tifozëve dhe përkrahësve të Liverpulit për shqetësimin që ua kam shkaktuar në 48 orët e fundit”, tha Henry.

“Edhe pse nuk është e nevojshme të thuhet, më duhet të nënvizoj se ky projekt nuk do të funksiononte kurrë pa përkrahjen e tifozëve. Askush nuk mendoi ndryshe në Angli. Në këto 48 orët e fundit, ju e bëtë shumë të qartë se nuk do të qëndronte. Ne ju dëgjuam. Unë ju dëgjova” shtoi ai.

“Dëshiroj t’iu kërkoj falje Jurgenit, Billit, lojtarëve dhe të gjithëve që kanë punuar kaq shumë në Liverpool për t’i bërë krenarë tifozët tanë. Ata nuk kanë asnjë përgjegjësi për këtë”, theksoi ai. /Gazeta Express/

- Reklama -

Më shumë nga kategoria




Të fundit

E vetmja mënyrë për të trembur Ramën

Nga: Dritan Hila Tashmë që janë trajtuar të gjitha variablet e seriozitetit apo ambiguitetit të sjelljes së Bashës ndaj Berishës dhe pasojat që do ketë...

Nëndetëset me energji bërthamore, Kina denoncon paktin SHBA-Britani-Australi

Kina ka denoncuar një pakt historik të sigurisë midis SHBA, Britanisë së Madhe dhe Australisë, duke e përshkruar aleancën si "jashtëzakonisht të papërgjegjshme" dhe...

Mësimi nga mençuria e gjyqtarit Learned Hand

Nga: Irena Beqiraj Po jetojmë një periudhë të çmendur “skepticizmi” ndaj Amerikës. Mesazhet e shumë zyrtarëve të saj duken butaforike. Por historia na tregon që...

I zhdukur prej dy ditësh, 39-vjeçari gjendet pa shenja jete

Policia e Tiranës njofton se është gjetur pa shenja jete një 39-vjeçar në zonën e quajtur "Kodrat e Selitës". Policia ka indentifikuar viktimën, shtetasi...

“Shqipëria do monitorohet nga kamerat”, ministri Çuçi zbulon planin

Ministri i Brendshëm, Bledi Çuçi, ka zbuluar sot në Kuvend objektivat e dikasterit që ai drejton në 4 vitet e ardhshme të 'Qeverisë Rama'....