Nga foltorja e Kuvendit, kryeministri vendosi pikat mbi “i”, duke thënë se shumica e pronarëve të pikave të basteve janë persona me precedentë penalë. Po kështu ai nuk ndali edhe thumbimet ndaj opozitës.
Duke thënë se kjo që po bëjnë është një nismë ndaj shoqërisë së prekur nga ky fenomen që sjell sëmundje, Rama shtoi se nuk do të ndalen. Ai shkoi edhe më tej, duke thënë se lojërat e fatit mbeten ndër vatrat më aktive të krimit.
“Shumë nga pronarët e basteve, janë me precedentë penalë. Siç e theksoi edhe kryetari i Komisionit të Ekonomisë, është e pavërtetë ajo ç’ka është trumbetuar me të madhe gjatë kësaj periudhe, se pas operacionit ‘Fund i marrëzisë’, marrëzia nuk është mbyllur.
5 mijë pika të paligjshme operojnë në vend. Qndra miliona lëvizin aso kohe jashtë të gjithë kanaleve të ligjit.
Ajo që ne bëjmë sot është kundërpërgjigja e duhur ne emër të një shoqërie të prekur nga ky fenomen, që sjell sëmundje. Dhe që ka përhapur një kancer social në të gjithë territorin, për shkak se ka qenë i tëri jashtë kontrollit të duarve të vetme që qarkullojnë këtë veprimtari”, tha Rama.
