Prokurori Anton Martini është konfirmuar në detyrë si prokuror i Krimeve të Rënda. Komisioni i Pavarur i Kualifikimit me shumicë votash ka vendosur konfirmimin e tij në detyrë, pas denoncimit dy ditë më parë se kishte hequr dosjet hetimore nga disa prokurororë.
Pasi kaloi herën e parë me sukses vettingun, ndaj tij u regjistrua një denoncim për periudhën që ai ka qenë drejtues i Prokurorisë aë Shkodrës. Mbi bazën e denoncimit u ngritën dyshime se prokurori u kishte hequr dosjet disa prokurorëve pa dhënë dorëheqjen më parë këta të fundit.
Para KPK-së, Martini tha se ka drejtuar prokurorinë e Shkodrës prej muajit nëntor 2017 deri në qershor 2018, dhe se është munduar të japë kontributin e tij.
“Në Shkodër mora informacion se eksponentë të krimit ndikonin tek prokurorët. Për këtë shkak unë inkurajova prokurorë oficerët. Aplikova metodat proaktive për të zbardhur disa ngjarje si vrasje me shpërthime me tritol apo tjetërsim pronash në bregdet.” u shpreh Martini në raportin e tij sqarues.
