Qeveria e Finlandës ka bërë publik planin për t’u dhënë burrave leje të barabarta si gratë e tyre, në momentin kur ata bëhen me fëmijë.
Sipas mediave të huaja, ky plan është menduar në mënyrë të tillë që baballarët të kalojnë sa më shumë kohë me fëmijët e tyre. Plani synon që çifti të marrë një pushim prej 14 muajsh që nga lindja e fëmijës. Me anë të këtij projekti qeveria finlandeze shprehet se dëshiron të “promovojë mirëqenien dhe barazinë gjinore”.
Me sistemin aktual në Finlandë, pushimi me pagesë për gratë është 4.2 muaj, ndërsa për burrat 2.2 muaj. Suedia ka aktualisht sistemin më bujar në Evropë, i cili u ofron prindërve 240 ditë pushime që nga lindja e fëmijës.
