Kryetari i PD-së, Lulzim Basha, pritet që t’i bashkohet protestës në Unazën e Re. Mësohet se qëllimi i këtij takimi të kryedemokratit me banorët e Astirit, është firmosja e kontratës së besimit për bashkëpunimin e palëve në opozitë dhe në qeveri.
Kujtojmë këtu faktin se banorët e Astirit, për një periudhë pothuajse 1-vjeçare, protestojnë çdo mbrëmje kundër projektit të Unazës së Re, pasi sipas tyre, është korruptiv dhe nuk dëmshpërblen në mënyrë të drejtë zotëruesit e shtëpive që preken nga zbatimi i tij.
