Tashmë është zyrtare, Ardi Veliu është kreu i ri i Policisë së Shtetit, post ky që iu besua nga ministri i Brendshëm Fatmir Xhafaj, firmosur nga kryeministri Edi Rama.
Por, kush Ardi Veliu, dikur drejtor i Policisë së Tiranës, por që tashmë zuri vendin e ish-eprorit Haki Çako?
Ardi Veliu ka lindur më 2 Mars të vitit 1972 në Delvinë, është i martuar dhe është baba i dy fëmijëve. Në vitin 1994, ka mbaruar studimet në akademinë e Policisë në Tiranë dhe i ka vazhduar më tutje në akademinë e Policisë në Ankara të Turqisë, deri në vitin 1998.
Veliu ka dy diploma; ai është diplomuar në Fakultetin e Manxhimit të Biznesit, në Universitetin “Ismail Qemali”, në Vlorë, si edhe në Fakultetin Juridik. E nisi karrierën e tij në Polici në vitin 1998, kur filloi punë si Komandant i “Postës së Policisë”, në Memaliaj.
Më vonë, në vitin 1993, Veliu u emërua Shef i Policisë së Rendit, në Vlorë. Ai ka mbajtur edhe poste të tjera në polici, duke përmendur atë të Shefit të komisariatit të Policisë në Durrës, Zëvendësdrejtor për Sigurinë në Tiranë, Drejtor i Policisë Rrugore në Drejtorinë e Policisë së Shtetit dhe Drejtor i Drejtorisë Vendore të Policisë Tiranë.
Në prill të vitit të kaluar, Veliu u emërua drejtor i Policisë së Tiranës, duke zëvendësuar Ervin Hodajn gjatë rrokadës së emërim-shkarkimeve të policisë. Para se të bëhej shef i policisë së kryeqytetit, Veliu ka qenë drejtues në Drejtorinë e Policisë Rrugore, në Drejtorinë e Përgjithshme për Sigurinë Publike.
Nga konkursi për gradën “Drejtues i parë” në Akademinë e Policisë gjashtë janë kandidaturat fituese që i kanë kaluar të dyja fazat, ndër të cilët Veliu është renditur i pari, me rezultatin më të mirë.
