Avdullah Hoti nga LDK u zgjodh ditën e sotme kryeministër i Kosovës.
Në vijim mund të njiheni me profilin e tij.
Gjithçka rreth kryeministrit të ri të Kosovës Avdullah Hoti:
Lindi më 04 Shkurt 1976.
Ai ka shërbyer si zëvendëskryeministër për disa javë në Qeverinë Kurti, ndërsa u shkarkua pas prishjes së koalicionit LVV-LDK.
Ka shërbyer edhe si Ministër i Financave në mes të vitit 2014 dhe më 2017 në koalicionin qeverisës PDK/LDK.
Hoti është profesor i rregullt në Fakultetin e Ekonomisë në Universitetin e Prishtinës, që nga viti 1998 dhe ligjëron lëndët Makroekonomi I dhe Makroekonomi II.
Nga 1999 deri në vitin 2004 ishte hulumtues në Institutin Riinvest në Prishtinë.
Ishte Kryeredaktor i Revistës Kontabiliteti Bashkëkohor, botuar nga Shoqata e Kontabilistëve të Çertifikuar dhe Auditorëve të Kosovës.
Nga gushti 2006 deri në vitin 2007 ishte këshilltar i lartë në Ministrinë e Arsimit, Shkencës dhe Teknologjisë. Kurse, nga janari 2008 deri në 2009 ishte këshilltar për ekonomi i Kryetarit të Prishtinës.
Nga janari 2010 deri në 2013 ishte nënkryetar i Komunës së Prishtinës.
