Në drejtim të Ardian Çapjas u qëllua prej kodrës së Krastës, nga një largësi e pazakontë për armë të thjeshta. Ai u qëllua me armë nga largësia, me qëllim eleminimin e tij.
Por çfarë dihet deri më tani? Bëhet fjalë për një snajper mjaft të avancuar, i cili u gjet i djegur në makinën e braktisur të atentatorëve, disa minuta pasi tentuan të vrisnin objektivin e tyre.
“Abcnews.al” mëson se bëhet fjalë për një snajper, “Sako TRG M10 .338 Lapua Magnum”, 27 mm, prodhuar në Finlandë, i cili njihet botërisht për saktësinë e tij për shenjestrimin e objektivave disa qindra metra larg.
Ardian Çapja u qëllua nga 250 metra largësi, me një snajper që mund të vrasë deri në 800 metra. Plumbi i lëshuar, e ka kapur në shpatull, duke i shkaktuar një plagë të madhe.
Një armë e tillë sigurisht që kushton. Çmimi i armës varion nga 6 500 deri në 10 000 dollarë në tregun e rregulluar të armëve, ndërsa mendohet se në tregun e zi shkon edhe më tepër.
Specifikat
“Sako TRG M10 .338 Lapua Magnum” 27 mm, mund të qëllojë objektivat e tij deri në 800 metra.
Arma kushton nga 6 500 deri në 10 000 dollarë në tregun e rregulluar të armëve, ndërsa mendohet se në tregun e zi ai shkon edhe më tepër. Snajperi peshon mesatarisht 6.5 kilogram. Mbushja bëhet manualisht dhe në karikator mban 9 ose 11 fishekë në varësi të specifikave që kërkon blerësi.
Kjo dëshmon se atentati ndaj Ardjan Çapjas është i mirëorganizuar, dhe financuar nga personazhe me fuqi financiare.
