Ministri i Jashtëm, Gent Cakaj në një deklaratë për mediat dha njoftimin se 38 konsuj nderi që përfitojnë privilegje duke lëvizur me makina me targa diplomatike. Ai ka njoftuar se do të merren masa të menjëhershme për heqjen e targave diplomatike dhe zëvendësimin me ato përkatëse.
“38 konsuj nderi të Shqipërisë, përdorin një automjet me targë kombëtare dhe me një shenjë.
Në shkelje të habitshme të këtij ligji janë plot 38 konsuj nderi, të pajisur me targa CD, të cilët hyjnë e dalin në vend si përfaqësues më të lart diplomatikë.
Ky privilegj është i pajustifikueshëm dhe duhet të marrë fund.
Informoj të gjithë personat në fjalë do të fillojë menjëherë me kontaktimin e tyre, dhe do të dorëzojnë targat diplomatike.
Në bashkëpunim me ministrinë e brendshme dhe atë të transportit, do të merren të gjitha masat që targat në fjalë të dalin jashtë funksionit. Kjo masë nuk ndërlidhet me emra të veçantë, por vjen nga domosdoshmëria e respektimit të ligjit.
Ne jemi në përgatitje edhe të një mase tjetër, për fuqizimin e dinjitetit të pasaportës diplomatike shqiptare, dhe shumë shpejt do t’u komunikoj rezultatet e kësaj nisme”, u shprehet Cakaj.
