Grupi parlamentar socialist është mbledhur para seancës parlamentare, ku ka diskutuar lidhur me tre kandidaturat që kanë plotësuar kriteret për prokuror të përkohshëm.
Mazhoranca pritet të votojë sot në Parlament Prokurorin e ri të Përgjithshëm të Përkohshëm, i cili do të zëvendësojë Adriatik Llallën, deri në ngritjen e Këshillit të Lartë të Prokurorisë.
Por, cilin kandidat mbështet PS?
Mësohet se mazhoranca mbështet prokuroren Arta Marku, zv.drejtuese e Prokurorisë së Rrethit Shkodër.
Tre kandidatët për prokurorë janë Ermira Tafani, prokurore në Elbasan, Arta Marku, zv.drejtuese e Prokurorisë së Rrethit Shkodër dhe Ferdinand Elezi, drejtues i Prokurorisë së Durrësit.
Seanca plenare është njoftuar se do të zhvillohet në orën 10:00, ndërkohë që jashtë sallës së Kuvendit kanë nisur protestat në orën 9:30.
