Ndërsa sot është afati i fundit për dorëzimin e listës së kandidatëve për deputetë në Komisionin Qendror të Zgjedhjeve, Partia Demokratike ka marrë një vendim të rëndësishëm, të cilin, siç deklarojnë, do ta bëjnë publik rreth orës 10:30, pikërisht, para kësaj godine.
Ndërsa nuk dimë cila do të jetë lëvizja e radhës e forcës më të madhe opozitare, të gjithë presin me kureshtje vendimin që ata do të kenë marrë.
Deri dje, Lulzim Basha deklaronte se nuk mund të ketë zgjedhje pa opozitën e cila ka si kusht qeverinë teknike, e vetmja, sipas të djathtëve, që mund të garantojë zgjedhje të lira dhe të ndershme. Kryedemokrati edhe dje foli për Republikën e Re që po afron, ndërsa prej ditësh paralajmëron kryeministrin e vendit, Edi Rama, se i ka ardhur fundi.
