Disa aksidente zinxhir kanë ndodhur mëngjesin e sotëm në rrugën Prishtinë-Mitrovicë, ku 15 persona kanë mbetur të lënduar.
Mediat në Kosovë raportojnë se aksidenti është shënuar sot rreth orës 07 e 30 minuta, në rrugën Prishtinë-Mitrovicë, në fshatin Shkabaj.
Në aksidente kanë qenë të përfshira 15 automjete, në tri prej tyre ka persona të lënduar. 15 persona kanë marrë ndihmën nga bluzat e bardha.
“Më 28.12.2020 rreth orës 07:30 në rrugën Prishtinë-Mitrovicë, saktësisht në fshatin Shkabaj, kanë ndodhur pesë aksidente komunikacioni rrugor, prej tyre tri me lëndime.
Të përfshira gjithsej janë 15 automjete. Bazuar në të dhënat fillestare, ndihmë mjeksore deri tani kanë kërkuar 15 persona”, ka thënë Flora Ahmeti, zyrtare për informim në Policinë rajonale të Prishtinës.
