Sa i takon protestës së banorëve të “5 Majit”, zëvendëskryeministri Arben Ahmetaj, në cilësinë edhe të Ministrit të Shtetit për Rindërtimin, deklaroi se ata do të dëmshpërblehen me të njëjtën sipërfaqe banimi, sa kanë aktualisht.
Nga foltorja e Parlamentit, Ahmetaj garantoi se të gjithë banorët do të marrin dëmshpërblim, pavarësisht nëse godinat e tyre ekzistuese janë të legalizuara ose jo.
“Nëse dikush ka sot tek “5 Maji” një shtëpi, ndërtesë ose dyqan, 200 metra katrorë, do të marrë sërish 200 metra katrorë.
Nuk ka rëndësi nëse është ose jo i legalizuar. Kjo është e vërteta. Edhe një që është i legalizuar dhe një jo i legalizuar, do trajtohen njësoj. Ju referuam marrëveshjeve, janë të rëndësishme se rrjedhin nga ligji. Janë angazhime që do të mbahen. Janë shumë familje që do të futen tek “5 Maji”, dhe do vijojnë të pyeten”, tha Ahmetaj.
