Kohë më parë u bë i ditur lajmi, se moderatorja e njohur, Alketa Vejsiu, do të ishte ajo e cila do të prezantonte festivalin e fundvitit, në RTSH.
Pas kaq shumë kohësh, Alketa tashmë ka zgjedhur të flasë rreth kësaj eksperience, duke treguar kështu edhe disa detaje interesante. E ftuar në emisionin “Jo Vetëm Modë”, në Tv Klan, moderatorja u pyet në lidhje me pagesën që do përfitojë nga organizmi i këtij festivali.
Alketa dha një përgjigje mjaft befasuese, duke u shprehur se ajo nuk do të marrë asnjë lek për moderimin e këtij kompeticioni.
“Duket gjithmonë sikur çdo gjë që njeriu bën, e bën për të marrë ca të mira materiale në fund. Unë do të paguhem 0 Lekë për festivalin dhe ka qenë kjo një marrëveshje që kam bërë me veten, por edhe me drejtuesit e Televizionit Publik, sepse këtë festival po e bëj në fakt për ideal. Dua vërtet të bëj një festival të mirë. S’dua të marr asnjë qindarkë nga taksat që paguajnë shqiptarët”, tha moderatorja.
